पोखरा । पोखरामा शुक्रबार थप एक कोरोना सङक्रमितको मृत्यु भएको छ ।
पोखरा स्वास्थ्य विज्ञान प्रतिष्ठानको कोभिड -१९ उपचार केन्द्रमा उपचाररत पोखरा -१६ का ५२ वर्षीय पुरुषको मृत्यु भएको प्रतिष्ठानले जनाएको छ ।
श्वास प्रस्वासमा समस्या देखिएपछि अस्पतालमा उपचारका लागि आएका उनको दिउसो १२ः१५ मा मृत्यु भएको प्रतिष्ठानका निर्देशक सह प्रा. डा . अर्जुन आचार्यले जानकारी दिए । मृतकमा कोभिड १९ सङ्गै उच्च रक्तचाप र मधुमेह लगाएतका स्वास्थ्य समस्या रहेको निर्देशक आचार्यले बताए ।
यस सँगै पोखरामा स्वास्थ्य प्रतिष्ठानमा कोभिड- १९ का कारण मृत्यु हुनेको सँख्या ६ पुगेको छ ।