पोखरा न्यूज । पोखरामा उपचाररत एक महिलाको कोरोनाका कारण मृत्यु भएको छ ।
पोखराको स्वास्थ्य विज्ञान प्रतिष्ठानमा उपचाररत पोखरा -१० की ७३ वर्षीया महिलाको मंगलबार दिउसो मृत्यु भएको हो ।
सोमबार कोरोना संक्रमण पुष्टि भई प्रतिष्ठानको कोभिड-१९ उपचार केन्द्रको आइसीयुमा भर्ना भएकी महिलाको मंगलबार ३ :५० बजे मृत्यु भएको प्रतिष्ठानका निर्देशक डा. अर्जुन आचार्यले जानकारी दिनुभयो । प्रतिष्ठानको कोभिड-१९ उपचार केन्द्रमा कोरोनाबाट हालसम्म ९ जनाले ज्यान गुमाएका छन् ।
काठमाण्डौको विरेन्द्र अस्पताल छाउनीमा उपचाररत कास्कीको अन्नपुर्ण गाउँपालिका १ की ६३ वर्षीय संक्रमित महिलाको उपचारकै क्रममा शनिबार बिहान ९ : १५ मा मृत्यु भएको निर्देशनालायले मंगलबार जानकारी दिएको छ । ब्रेन ट्युमर र मृगौलाको समेत समस्या रहेकी उहाँमा १९ गते कोरोना पुष्टि भएको थियो ।
यस सँगै गण्डकी प्रदेशमा कोरोनाबाट ज्यान गुमाउनेको संख्या २१ पुगेको छ ।
