पोखरा न्यूज । सिधुुपाल्चोक केन्द्रबिन्दु भएर बुधबार गएका भूकम्पको धक्काले बागलुङमा एक घर भत्केको छ ।
बगलुङ नगलपालिका–६ भिरलाकुरी निवासी ६९ वर्षीय दुर्गाबहादुर सुवेदीको ढंगामाटोले बनेको घर भत्केको जिल्ला प्रहरी कार्यालय बागलुङले जनाएको छ । घरभत्कदा मानवीय क्षति भने भएको छैन् ।
त्यस्तै पर्वत जिल्ला कुश्मा नगरपालिका–१ पाङमा भूकम्पको धक्काले नारायण सुवेदीको घर भत्केको छ । इटा र माटोले बनेको उक्त घर भत्कदा ५ लाख बराबरको क्षति भएको पर्वत प्रहरी कार्यालयले जनाएको छ ।
त्यसैगरी लमजुङको बेसीँशहर नगरपालिका–११ तिवारीडाँडा निवासी ४५ वर्षीया अम्विका तिवारीको ढंगामाटोको कच्चीघर भत्केको छ । घर भत्कदा मानवीय र चौपाय भने क्षति भएको छैन ।
