पोखरा न्यूज । आफ्नै भतिजी करणी गरेको अभियोगमा कास्की प्रहरीले एक युवकलाई पक्राउ गरेको छ ।
भतिजीलाई डरधम्की देखाई करणी गरेको आरोपमा प्रहरीले सर्लाही निवासी २१ वर्षीय युवालाई पक्राउ गरेको हो। प्रहरीले पिडित युवतीको पहिचान गोप्य राख्नको लागि युवकको नाम पनि सार्वजनिक गरेको छैन ।
वि.स. २०७६ पुस २ गते घरमा कोही नभएको अवस्थामा पोखरामा आफ्नै भतिजीलाई डरधम्की दिई करणी गरेको अभियोगमा युवकलाई सर्लाहीबाट पक्राउ गरिएको कास्की प्रहरी प्रवक्ता एवं डिएसपी सुवास हमालले जानकारी दिनुभयो ।
डिएसपी हमालका अनुसार युवतीले भदौ २९ गते छोरा जन्माएपछि पिडित पक्षले दिएको जाहेरीका आधारमा युवकलाई सर्लाही प्रहरी कार्यालय सँग समन्वय गरी पक्राउ गरिएको हो ।
पक्राउ परेका युवक विरुद्ध हाडनाता करणी कसुरमा जिल्ला अदालत कास्कीबाट पाँच दिन म्याद थप गरी अनुसन्धान भइरहेको प्रहरीले जनाएको छ ।