पोखरा न्यूज । गोरखामा बुधबार आगो निभाउने क्रममा जलेर एक जनाको ज्यान गएको छ ।
गोरखा आरुघाट -७ सात दोबाटो स्थित सालघारी जङ्गलमा लागेको आगो निभाउने क्रममा जलेर स्थानीय ७२ वर्षीय मोहन फेवाली मगरको मृत्यु भएको प्रहरीले जनाएको छ ।
मगरको शव बुधबार राति अन्दाजी ९ बजे जलेको अवस्थामा फेला परेको गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालले जानकारी दिनुभयो ।
घटनाको बारेमा अनुसन्धान भइरहेको प्रहरीले जनाएको छ ।
