पोखरा न्यूज । पोखरामा पर्खालले च्यापिएर एक युवकको ज्यान गएको छ ।
भारतको वेतिया बसन्तपुर घर भइ पोखरा -१३ मियापाटनमा बस्ने अन्दाजी २० वर्षीय रितेश रामको पर्खाल भत्काउने क्रममा च्यापिएर मृत्यु भएको प्रहरीले जनाएको छ।
पोखरा -१३ बाझापाटनमा रहेको बालकल्याण माध्यामिक विद्यालयको पुरानो पर्खाल भत्काउने क्रममा च्यापिएर रामको मृत्यु भएको प्रहरी वरिष्ठ उपरीक्षक नर बहादुर केसीले जानकारी दिनुभयो ।
केसीका अनुसार घटनामा गम्भीर घाइते भएका रामलाई तत्कालै पोखराको मणिपाल अस्पतालमा लगिएकोमा चिकत्सकले उपचारको क्रममा मृत घोषणा गरेका हुन् ।
घटनाबारे थप अनुसन्धान भइरहेको प्रहरीले जनाएकाे छ ।
