पाेखरा न्यूज । पछिल्लो २४ घण्टामा कास्की जिल्लामा थप २४ जनामा कोरोना संक्रमण पुष्टि भएको छ । कास्कीमा १६ जना पुरुष तथा ८ जना महिला गरी २४ जनामा कोरोना भाइरस पुष्टि भएकाे प्रदेश स्वास्थ्य निर्देशनालय पाेखराले जनाएको छ ।
पछिल्लो २४ घण्टामा ४९३ जनाको नमुना परीक्षण गरिएकोमा गण्डकी प्रदेशमा थप ५५ जनामा कोरोना पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।
कास्कीका २४ सहित म्याग्दीका १२ जना, पर्वतका २ जना, लमजुङका १ जना, बाग्लुङका २ जना, स्याङ्जाका ५ जना र नवलपुरका ९ जना गरी प्रदेशका ७ जिल्लामा गरी ३४ पुरुष तथा २१ जना महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ८७ हजार १४९ पुगेको छ। पछिल्लो २४ घण्टामा २६ जना निको भएसँगै प्रदेशमा संक्रमणमुक्त हुनेको संख्या ८५ हजार ३०१ पुगेको छ ।
गण्डकीमा हालसम्म कोरोना संक्रमणका कारण प्रदेशभर ज्यान गुमाउनेको संख्या १ हजार ३९३ पुगेको छ।