अनिवार्य खोपको विरोधमा क्यानडामा सयौं ट्रक चालकले घेरे राजधानी 

विरोध आयोजना हुनु दुई घन्टाअघि ओटावा सहरका सडकहरु लगातार हर्न बजेका ट्रकले भरिएको एएफपीले जनाएको छ । ‘अनिवार्य खोपको प्रावधान हटाइनुपर्छ । याे प्रावधान अनुचित छ,’ एक प्रदर्शनकारीले भने । प्रदर्शनकारीमध्ये थोरैले मात्र मास्क लगाएका थिए । बाहिरको तापक्रम माइनस २१ डिग्री सेल्सियस भएकाले अधिकांशले टाउकोमा आँखा र मुख मात्र देखिने वस्त्र लगाएका थिए ।

ड्राइभरको प्रदर्शनपछि प्रधानमन्त्री जस्टिन ट्रुडो र उहाँको परिवार सुरक्षाको कारण दर्शाउँदै आवासबाट अज्ञात स्थलतर्फ हिँडेको प्राप्त विवरणमा जनाइएको छ ।