पाेखरा । गण्डकी प्रदेश सरकारले भानु जयन्तीमा प्रदेशमा सार्वजनिक बिदा दिने निर्णय गरेको छ ।
नेपाली भाषा, साहित्यका धरोहर आदिकवि भानुभक्त आचार्यको जन्म असार २९ गते तनहुँकाे चुँदी रम्घामा भएकाे थियाे ।
प्रदेश मन्त्रिपरिषदको शुक्रबार बसेको बैठकले उक्त निर्णय गरेको सरकारका प्रवक्ता भौतिक पूर्वाधार, सहरी विकास तथा यातायात व्यवस्था मन्त्री कुमार खड्काले जानकारी दिनुभएकाे छ ।
त्यसैगरी प्रदेशले कोजाग्रत पूर्णिमा, प्रदेश सरकार स्थापना दिवस र चैते दसैैंमा पनि बिदा दिने निर्णय गरेको जनाइएकाे छ ।
