पोखरा । आज सुनको मूल्य प्रतितोला ४ सय रुपैयाँले घटेर कारोबार सुरु भएको छ ।
मूल्य घटेसँगै आज छापावाल सुन तोलामा १ लाख २५ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
यस्तै, तेजाबी सुनको मूल्य तोलामा १ लाख २४ हजार ४ सय रुपैयाँ कायम छ ।
गत शुक्रबार छापावाल सुनको मूल्य तोलामा १ लाख २५ हजार ४ सय र तेजाबी सुनको मूल्य तोलामा १ लाख २४ हजार ८ सय रुपैयाँमा कायम थियो ।
यस्तै, आज चाँदीको मूल्य १५ रुपैयाँ बढेको छ । मूल्य बढेसँगै चाँदीको मूल्य तोलामा १ हजार ५ सय ३० रुपैयाँमा कारोबार भइरहेको महासंघले जनाएको छ ।
