सफल हेप्पी काउ मिल्क बजारमा

पोखरा । पोखरास्थित सुजल डेरीले ‘सफल हेप्पी काउ मिल्क’ बजारमा ल्याएको छ । उपभोक्ताको मागलाई मध्यनजर गर्दै कम्पनीले सफल हेप्पी काउ मिल्क बजारमा ल्याएको हो ।

कम्पनीका अनुसार सफल हेप्पी काउ मिल्क गाईको दूध उत्पादन हुने क्षेत्रबाट संकलन गरिएको हो ।

गाईको दूधको प्राकृतिक सुगन्ध, स्वाद र पौष्टिकतालाई ध्यान दिई सावधानीपूर्वक अत्याधुनिक प्रविधिबाट प्रशोधन गरिने कम्पनीले जनाएको छ ।

कम्पनीका अनुुसार सफल सफल हेप्पी काउ मिल्क क्रिमयुक्त छ । स्वस्थता र स्वादिष्टता सुनिश्चित गरी प्रत्येक थोपामा ताजापनको अनुभव प्रदान गर्दै शुद्धता र गुणस्तरको प्रमाण दिने दाबी कम्पनीको छ ।

न्यूनतम ३दशमलव ५ प्रतिशत फ्याट र न्यूनतम ७दशमलव ५ प्रतिशत एसएनफ हुने ‘सफल हेप्पी काउ मिल्क’ सजिलै पचाउन सकिन्छ । सफल हेप्पी काउ मिल्कमा एसएनएफ र फ्याटको पूरै सन्तुलन मिलाइएको हुन्छ । जसकारण स्वादिलो, क्रिमयुक्त र स्वास्थ्यवर्द्धक छ ।

दूधमा शरीरलाई चाहिने क्याल्सियम, प्रोटिन र भिटामिन र मिनिरल पूर्णरुपमा पाइन्छ । जसले गर्दा पौष्टिकता पाउनुको साथ साथै शरीरलाई स्वस्थ राख्न मद्दत गर्दछ ।

कम्पनीका धार्मिक कार्यमा समेत यो दूध प्रयोग गर्न सकिन्छ । सफल हेप्पी काउ मिल्क आधा लिटर पाउँचको अधिकतम बिक्री मूल्य ६० रुपैयाँ तोकिएको छ ।