पोखरा । वरिष्ठ गायिका एवं साहित्यकार प्राज्ञ हरिदेवी कोइराला समर्पित पाइन खबर साँझ-२०८० हुने भएको छ । कार्यक्रम शनिबार पोखराको पुम्दीभुम्दीमा हुनेछ ।
इन्द्रेणी थिएटरको पाँचौँ वार्षिकोत्सव अवसरमा सो कार्यक्रम आयोजना गरिएको र तयारी पूरा भएको कार्यक्रम संयोजक केदारनाथ पौडेलले जानकारी दिए ।
कार्यक्रममा गायिका कोइरालाको समग्र कलायात्रा, गीत, कविता वाचन तथा प्रकाशित कृतिका बारेमा जानकारी गराइनेछ ।
सो अवसरमा लोकगायक पद्मराज ढकाल, संगीतकार नवराज बराल, गायक रामजी पौडेल, दिलीप गायक, महेन्द्रराज बराल, विष्णु बराल, श्रीधर कँडेल लगायतले आफ्नो प्रस्तुति दिनेछन् ।
साँझमा हरिदेवी कोइरालासँगै अन्य कलाकार हुनेछन् । अन्य कलाकारले हरिदेवीको एक एक गीत गाउनेछन् । साँझमा गायक अमृत गुरुङ पनि दर्शकका रुपमा सहभागी हुने बताइन्छ ।
