डोटी । डोटीमा सेती नदीमा नुहाउने क्रममा डुबेर एक युवकको मृत्यु भएको छ । मृत्यु हुनेमा दिपायल सिलगढी नगरपालिका वडा नं–१ तिखा कहरेकुडाका १८ वर्षीय महेश खड्का रहेका छन् ।
बासुधारास्थित सेती नदीमा नुहाउने क्रममा डुबेर खड्काको मृत्यु भएको जिल्ला प्रहरी कार्यालय डोटीले जनाएको छ ।
नदीमा नुहाउने क्रममा दिउसो १२ बजेर ४० को समयमा डुबेर मृत्यु भएको प्रहरीले जनाएको छ । मृतकको शव नदीबाट निकाएको र घटनास्थलमा पुरेर प्रहरीले अनुसन्धान गरिरहेको छ ।
