मोबाइल चार्ज गर्नेक्रममा करेन्ट लागेर बालकको मृत्यु

तेह्रथुम । तेह्रथुममा मोबाइल चार्ज गर्नेक्रममा करेन्ट लागेर एक बालकको ज्यान गएको छ ।

मृत्यु हुनेमा जिल्लाको लालीगुराँस नगरपालिका वडा नं. ५ दागपा बस्ने कालुबहादुर लिम्बुका छोरा आठ वर्षीय सुदिप लिम्ब रहेका छन् ।

शनिबार साँझ आफ्नै घरको कोठामा मोबाइल चार्ज गर्ने क्रममा मल्टीप्लग सर्ट भई करेन्ट लागेर उनी गम्भीर घाइते भएका थिए ।

उनको उपचारका लागि बसन्तपुर अस्पतालतर्फ लैजाने क्रममा बाटोमै मृत्यु भएको प्रहरीले जानकारी दिएको छ ।