आज लाभ बेलाबाट दिन शुरुआत, श्रीकृष्णको प्रिय दिनमा राशिफल कस्तो होला ?

आजको पञ्चाङ्ग

मिति २०८१ पुस १० गते बुधबार, इस्वीसंवत डिसेम्बर २४ तारिक सन् २०२४, श्रीशाके १९४६, नेपाल संवत् ११४५, कालयुक्तनाम संवत्सरः, सूर्य पृथ्वीको दक्षिणी गोलार्द्धमा छन् । हेमन्त ऋतु चलिरहेको छ । चान्द्रमान अनुसार पौषकृष्णपक्ष चलिरहेको छ । सौरमान अनुसार आज पौषकृष्णपक्षको दशमी तिथि रातिमा ९ः४८ बजेसम्म त्यसपछि एकादशी तिथि लाग्नेछ । नक्षत्रमा चित्रा दिनमा ३ः३० त्यसपछि स्वाति नक्षत्र लाग्नेछ । विष्कुम्भादि योगमा अतिगण्ड ३८ घटि ५४ पलासम्म त्यसपछि सुकर्म लाग्नेछ । करणमा वणिज रहनेछ । आनन्दादि योगमा सौम्य रहनेछ ।

सूर्य धनु राशिमा, चन्द्रमा तुला राशिमा रहनेछ । आज दिनमान २५ घटि ५० पला अर्थात १० घण्टा २३ मिनेटको रहनेछ । आज सूर्योदय काठमाडौं केन्द्र विन्दुमा रही बिहान ६ः५४ बजे तुरुदेव मुहूर्तमा हुनेछ भने सूर्यास्त साँझ ठीक ५ः१४ बजे हुनेछ । यस्तै, चन्द्रमा उदाउने समय रातिमा १ः३८ बजे र अस्ताउने समय भोलि दिनमा १ः०३ बजे रहेको छ । आज क्रिसमस डे परेको छ ।

आजको राशिफल 

मेष : आज चन्द्रमा सातौं भावमा छन्, त्यसैले मेष राशिका लागि समय शुभ रहनेछ । व्यापार व्यवसाय फस्टाएर जानेछ भने शिक्षा क्षेत्रमा गरिएको लगानीबाट मनग्य लाभ हुनेछ । सन्तानको प्रगति देखेर मन रमाउनेछ भने वंश वृद्धिको गतिलो सम्भावना छ । पढाई लेखाई अन्य दिन भन्दा सुधार हुने हुनाले आफन्तसमेत खुशी हुनेछन् । आकस्मिक धन तथा सम्पत्ति लाभ हुने योग रहेको छ । आफूले मन पराएको मानिसबाट उपहार प्राप्त हुने हुनाले मन प्रशन्न रहनेछ ।

वृष : आज चन्द्रमा छैटाैँ भावमा छन्, त्यसैले समय राम्रो नभए पनि स्वास्थ्य राम्रो रहनेछ । निकै महत्वपूर्ण कार्यहरू भने आज नगर्नुहोला । आज पनि समय खराब रहनेछ । माया प्रेममा सामान्य खटपटको योग छ भने जीवनसाथीको असहयोगले काम समयमा सम्पन्न नहुने देखिन्छ । राजनीति तथा समाजसेवामा प्रशस्त समय खर्चिए पनि उपलब्धी न्यून हुनेछ । आज सकभर उत्तरतर्फको यात्रा नगर्नुहोला ।

मिथुन : आज पाचौं भावमा चन्द्रमा छन् । वुद्धि र ज्ञान बढ्नेछ । पारिवारिक यात्राका क्रममा स्वादिष्ट भोजन ग्रहण गर्ने अवसर प्राप्त हुनेछ । परिस्थितिलाई आफ्नो पक्षमा ल्याउन सकिने हुनाले समयमा काम बन्नेछन् । माया प्रेममा सामिप्यता बढेर जानेछ भने पति-पत्नीबिच मायाको डोरो अझ कसिलो भएर जानेछ । पारिवारिक यात्रा हुने अधिक सम्भावना छ भने यात्राका क्रममा विभिन्न रमाइला स्थलको भ्रमण गर्न सकिनेछ । न्यायिक निर्णय तपाइकै पक्षमा आउने हुनाले मन प्रशन्न हुनेछ ।

कर्कट : आज चौथो भावमा चन्द्रमा छन् । आज स्वास्थ्य भरपर्दो रहनेछैन । अर्थ संकलन तथा आर्थिक अवस्था कमजोर रहने हुँदा विदेश तथा विदेशसँग सम्बन्धित काम रोकिन सक्छ । तर पनि विदेशमा बसेर अध्ययन तथा श्रम गर्नेका लागि भने समय फलदायी रहनेछ । विदेशी लगानीमा सञ्चालित सस्ताबाट मनग्य लाभ लिन सकिनेछ । माया प्रेममा एक अर्कालाई विश्वास गर्न नसक्दा लामो समयदेखिको सम्बन्ध टुट्न सक्छ । स्वास्थ्यको ख्याल गर्नुहोला समय मध्यम रहेको छ । आज उत्तर दिशाको यात्रामा पनि सावधान हुनुहोला ।

सिंह : आज तेस्रो भावमा चन्द्रमा रहनेछन् । त्यसैले आज समय शुभ छ । कर्म क्षेत्रमा राम्रो काम गरी नाम कमाउन सकिनेछ । व्यापार फस्टाएर जानेछ भने आर्थिक अवस्था मजबुत हुनेछ । राजनीति तथा समाज सेवामा जनताको काम गर्न सक्दा इज्जत तथा प्रतिष्ठामा वृद्धि भएर जानेछ । रोजगार पाइने समय छ भने गरिरहेको काममा बढोत्तरीको प्रशस्त सम्भावना छ । तपाईँको शालीन स्वभावदेखि सबै मोहित हुनेछन् । प्रेममा खुलेर रमाउने समय रहेको छ । पश्चिम दिशाको यात्रामा लाभ मिल्ने देखिन्छ ।

कन्या : आज दोस्रो भावमा चन्द्र रहनेछन् । आज समय खराब रहनेछ । आफन्त तथा चेली माइती बिच बैमनस्यता बढ्ने ग्रहयोग रहेको छ, सचेत रहनुहोला । व्यापार व्यवसायमा समय दिन नसक्दा घाटा लाग्न सक्छ ध्यान दिनुहोला । माया प्रेममा धोका हुनेछ भने दाम्पत्य जीवनमा खटपट आउनेछ । समय तथा परिस्थिति अनुसार नचल्दा दुःख पाइनेछ । साँझपख भने धार्मिक तथा आध्यात्मिक क्षेत्रमा चासो बढ्नेछ ।

तुला : आज भाग्यस्थानमै चन्द्रमा छन् । त्यसैले आज समय अत्यन्तै शुभ छ । कृषि तथा पशुपालन व्यवसायमा लगानी गरी मनग्गे आम्दानी गर्न सकिनेछ । खनिज पदार्थ तथा पानीसँग सम्बन्धित कामबाट भनेजस्तै आम्दानी हुनेछ । शिक्षा तथा बैकसँग सम्बन्धित कामबाट पनि भनेजस्तो आम्दानी हुनेछ । प्रणय सम्बन्धमा नजिक हुने समय रहेको छ भने जीवन साथीको सहयोगले राम्रा काम गर्न सकिनेछ । इच्छा, आकांक्षा तथा मनोकामना आज पूरा हुनेछन् ।

वृश्चिक : आज १२औं भावमा चन्द्रमा छन् । त्यसैले आज समय अत्यन्तै खराब छ । छिटो फल प्राप्त गर्ने आकांक्षाले समस्या निम्त्याउनेछ । प्रयत्न गरेका काम बिस्तारै सम्पादन हुनेछन् । अध्ययनमा सामान्य उपलब्धि हुनेछ । काममा बाधा पुर्याउनेहरू सक्रिय हुने हुँदा सजग रहनुहोला । प्राविधिक ज्ञान सिक्ने अवसर प्राप्त हुनेछ । चिताएको काम पूर्ण नभए पनि फाइदाको स्रोत पहिल्याउन केही समय लाग्ने देखिन्छ । व्यापार व्यवसायमा लगानी गरे पनि प्रतिफल पाउन निकै नै संघर्ष गर्नुपर्नेछ ।

धनु : आज चन्द्रमा ११औं भावमा छन् । त्यसैले स्वास्थ्य सबल रहनेछ । दिन मनोरञ्जनपूर्ण रहनेछ । प्रतीक्षा गरिएको उपलब्धी प्राप्त हुनुका साथै मनग्य धन लाभ हुनेछ । शोख पूरा हुनेछ भने विभिन्न भौतिक साधन प्राप्तिको योग छ । नयाँ ज्ञानले अध्ययनमा उत्साह जगाउनेछ । व्यवसायका लागि यात्रा सम्भावना छ । सुमधुर दाम्पत्यले मन प्रफुल्लित हुनेछ । सवारी साधन तथा घर जग्गाको कारोबारबाट भनेजस्तो आम्दानी हुनेछैन । पढाई लेखाइमा भने समय दिन सके सफलता हात लाग्नेछ ।

मकर : आज १०औं भावमा चन्द्रमा छन् । त्यसैले आज समय मध्यम खालको छ । कडा परिश्रम गर्दा पनि प्रतिफल न्यून आउने हुनाले मन खिन्न हुनेछ । व्यापारमा घाटा लाग्ने योग छ भने व्यापारको सिलसिलामा गरिने यात्रा निरर्थक हुनेछ । सवारीसाधन तथा विलासी वस्तुको प्रयोग गर्दा ध्यान दिनुहोला समय मध्यम छ । आत्मवल तथा सम्भाव्यता गुमाउँदा आफैलाई घाटा लाग्न सक्छ ।

कुम्भ : आज नवौं स्थानको चन्द्रमाको प्रभावका कारण आज समय खराब छ, स्वास्थ्यमा समस्या आउन सक्छ । अवसरको खोजीमा केही दौडधूप गर्नुपर्ला । छिमेकमा असमझ्दारी बढ्ने देखिएकाले होसियारीका साथ काम लिनुहोला । फाइदाका लागि केही वस्तु त्याग्नुपर्ला । साँझपख आवश्यक पर्दा सरसापट वा कर्जामार्फत धन जुट्नेछ । आफ्नाबाट भने कारोबार नगर्नुहोला । केही खर्च लागे पनि यात्रा भने फलदायी हुने देखिन्छ ।

मीन : आज आठौं भावमा चन्द्रमाले भम्रण गर्दैछन् । स्वास्थ्यमा एक्कासि समस्या आउनेछ, समय मध्यम शुभ छ । चोटपटक लाग्न सक्नेछ । आज तपाइँलाई चोरीको आरोप पनि लाग्न सक्छ । अरूका विषयमा चासो लिँदा झमेला आइलाग्न सक्छ । अवसर जुटे पनि ठूलो उपलब्धि नहुन सक्छ । विवादास्पद कामको जिम्मेवारी आउनाले केही समस्या आइपर्ला । आवेशको निर्णयले आँटेको काम बिग्रन सक्छ । व्यर्थैमा वादविवादमा परिने समय रहेकाले गोपनीयतामा ध्यान दिनुहोला ।

साइत : साइतः सूर्य धनु राशिमा, चन्द्रमा तुला राशिमा रहनेछ । त्यसैले आज पश्चिम र दक्षिणबाहेक अन्य दिशाको यात्रा नगर्नुहोला । आज बुधबार परेकाले उत्तरतर्फको यात्रा गर्दै नगर्नुहोला । आज उत्तर र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।

शुभ लाभादि बेला (दिवा)

बिहान ६ः४७ बजेदेखि ८ः०५ बजेसम्म लाभ बेला
बिहान ८ः०५ बजेदेखि ९ः२३ बजेसम्म अमृत बेला
बिहान ९ः२३ बजेदेखि १०ः४१ बजेसम्म काल बेला
बिहान १०ः४१ बजेदेखि ११ः५९ बजेसम्म शुभ बेला
बिहानमा ११ः५९ बजेदेखि १ः१७ बजेसम्म रोग बेला
दिनमा १ः१७ बजेदेखि २ः३५ बजेसम्म उद्धेग बेला
दिनमा २ः३५ बजेदेखि ३ः५३ बजेसम्म चर बेला
दिनमा ३ः५३ बजेदेखि ५ः११ बजेसम्म लाभ बेला

शुभ लाभादि बेला (रात्रि)

साँझ ५ः११ बजेदेखि ६ः५३ बजेसम्म अमृत बेला
साँझ ६ः५३ बजेदेखि ८ः३५ बजेसम्म काल बेला
राति ८ः३५ बजेदेखि १०ः१७ बजेसम्म शुभ बेला
राति १०ः१७ बजेदेखि ११ः५९ बजेसम्म रोग बेला
राति ११ः५९ बजेदेखि १ः४१ बजेसम्म उद्धेग बेला
राति १ः४१ बजेदेखि ३ः२३ बजेसम्म चर बेला
रातिमा ३ः२३ बजेदेखि ०५ः०५ बजेसम्म लाभ बेला
रातिमा ०५ः०५ बजेदेखि ६ः४७ बजेसम्म अमृत बेला

यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।

राहुकाल समय : दिनमा १२ः०० देखि १ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।

नोट : यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौं, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।