पोखरा । कास्की प्रहरीले अवैध रूपमा कटपिस ढुंगा चोरी निकासी गर्दै आएको आरोपमा दुई वटा सवारी साधन नियन्त्रणमा लिएको छ।
चेक जाँचका क्रममा अवैध रूपमा कटपिस ढुंगा लोड गरेको र प्रयोजन खुल्ने आवश्यक कागजातसमेत नराखेको भेटिएपछि दुइवटा जिप नियन्त्रणमा लिइएको प्रहरीले जनाएको छ ।
कास्की प्रहरी प्रवक्ता, डीएसपी हरी बहादुर बस्नेतका अनुसार ग ३ च ४१४३ र ग २ च २१५ नम्बरका बोलेरो जिपहरू पोखरा –११, चितेपानीबाट नियन्त्रणमा लिइएको हो ।
ढुंगासहित जिपहरूलाई नियन्त्रणमा लिएर थप अनुसन्धान तथा आवश्यक कारबाहीका लागि सम्बन्धित निकायमा पठाइएको प्रहरीले जनाएको छ।
