बढी मूल्यमा ग्याँस सिलिन्डर बिक्री गर्ने पक्राउ

पोखरा , १३ बैशाख –

बढि मुल्यमा ग्यास बिक्री गर्ने पोखरा उपमहानगरपालिका–१० रामबजार स्थित गोसली भाडा पसल संचालक ३३ बर्षीय अशोक गोशलीलाई प्रहरीले पक्राउ गरेको छ ।

गोशलीले आइतबार भाडा पसलबाट एनएल ग्याँस बढी मूल्यमा विक्री गरेको भन्ने खबर प्राप्त हुनासाथ वडा प्रहरी कार्यालय रामबजारबाट खटिएको प्रहरी टोलीले १ सय ६० थान ग्याँस सिलिण्डर सहित उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।