पोखरा न्युज ।
लमजुङ मर्स्याङदी गाउँपालिकामा मंगलबार ट्याक्टर दुर्घटना हुँदा एकजनाको मृत्यु भएको छ ।
मर्स्याङदी गाउँपालिका ६ स्थित ठूलोबेसीमा आज दिउँसो भएको दुर्घटनामा ट्याक्टर चालक चितवन बैरेनी २ का दीपक चौधरीको मृत्यु भएको हो ।
परीक्षणकै क्रममा रहेको नयाँ ट्याक्टर ङादी खोलाबाट ठूलोबेसीतर्फ बालुवा लिएर जाँदै गर्दा दुर्घटना भएको प्रहरी निरीक्षक बुद्धिसागर पुरीले बताउनुभयो ।
दुर्घटनापछि गम्भीर घाइते भएका चालक चौधरीको उपचारका क्रममा लमजुङ जिल्ला सामुदायिक अस्पतालमा मृत्यु भएको प्रहरीले जनाएको छ ।