नेकपा एमालेले कास्कीमा प्रतिनिधि सभामा पहिलो सिट जितेको छ ।
कास्की क्षेत्र नम्मर २ बाट वाम गठवन्दन अन्तर्गतका नेकपा एमालेका उम्मेदवार रबिन्द्र अधिकारीले जित हासिल गरेका हुन । रबिन्द्रले आठ हजार ५४६ मत अन्तरले लोकतान्त्रिक गठबन्धन अन्तर्गत नेपाली कांग्रेसका उम्मेदवार देबराज चालिसेलाई पराजित गरेका हुन।
अधिकारीले २७ हजार २ सय ७ मत ल्याउदा चालिसेले १८ हजार ६ सय ६१ मत ल्याएका हुन।
संसद विकास समितिका पुर्व सभापति समेत रहेका रबिन्द्रले लगातार ३ पटक जित हासिल गरेका छन् ।
पहिलो संविधान सभाको निर्वाचनमा माओवादी उम्मेदवार झलकपाणि तिवारी तथा दोस्रो संविधानसभाको निर्वाचनमा कांग्रेस उम्मेदवार सोभियतबहादुर अधिकारीलाई हराउँदै अधिकारी विजयी भएका थिए ।
प्रतिनिधिसभाका ३ र प्रदेशसभाका ६ सिट गरि कुल ९ सिट रहेको कास्कीमा प्रदेशसभामा १ /१ सिट कांग्रेस र एमालेले जितेका छन् भने अन्य ६ सिटमा वाम गठवन्दनले अग्रता कायम गरेको छ ।
यसअघी कास्कीमा प्रदेशसभा क्षेत्र नम्मर २ ख बाट नेपाली कांग्रेसका बिन्दु कुमार थापा र कास्की क्षेत्र नम्मर २ क बाट नेकपा एमालेका कृष्ण थापा बिजयी भएका छन् ।