पोखरा न्यूज -३२, असार ।
म्याग्दीको अन्नपूर्ण गाउँपालिका–५ शिखको तल्लो गाउँमा पहिरो नियन्त्रणका लागि ग्यावियन पर्खाल लगाइएको छ ।
गाउँपालिकाको आर्थिक सहयोगमा स्थानीयवासीले श्रमदान गरेर ग्यावियन पर्खाल निर्माण गरेका हुन् । गाउँपालिकाको रु पाँच लाख १२ हजार ३१ अनुदान र स्थानीयवासीको रु ६२ हजार ३१ बराबरको श्रमदानमा ६० थान ग्यावियन पर्खाल लगाइएको उपभोक्ता समितिका अध्यक्ष तुलबहादुर गर्बुजाले बताए ।
पर्खाल निर्माण भएपछि खोल्साबाट आउने बाढी नियन्त्रण, पहिरो रोकथामका साथै सवारीसाधन पार्किङमा सहज भएको छ । यसबाट ४८ घरधुरी लाभान्वित भएका छन् ।