पोखरा न्यूज – १५ , भदौ ।
हस्पिटल चोक पोखराबाट प्रहरीले ३ सय थान लागूऔषध सहित एक व्यक्तिलाई पक्राउ गरेको छ ।
भारतको लक्ष्मीपुर घर भई हाल पोखरा– १० बगर बस्दै आएका ४५ बर्षीय राम राजबर दावन ३ सय थान लागूऔषध सहित पक्राउ परेको जिल्ला प्रहरी कार्यालय कास्कीले जानकारी दिएको छ । लागूऔषध ओसार प्रसार गरी बिक्रिवितरण गरिरहेको गोप्य सुचनाको आधारमा सादा पोशाकको प्रहरी टोलिले दावनलाई पक्राउ गरेको जिल्ला प्रहरी कार्यालय कास्कीका प्रहरी प्रबक्ता डिएसपी रबिन्द्रमान गुरुङले बताए ।
“लागू औषध निष्तेज महाअभियान २०७५” लाई आक्रामक रुपमा अगाडी बढाइरहेको बेला प्रहरीले दावनलाई डाईजापाम १ सय थान, बुफ्रिनर्फिन १ सय थान तथा फेनेरागन १ सय थान लागूऔषध सहित बुधबार पक्राउ गरेको डिएसपी गुरुङले उल्लेख गरे ।
दावनलाई लागू औषध मुद्धामा म्याद थप गरि अनुसन्धान भइरहेको प्रबक्ता गुरुङले बताए ।
