पोखरा । पोखरामा बुधबार राति मोटरसाइकल कुलोमा खस्दा एक जनाको मृत्यु भएको छ ।
पोखराको चाउथे स्थित खसीबजार चोक नजिकैको सडक छेउको कुलोमा ग ११ प ८२८१ नम्बरको बुलेट बाइकमा सवाररत एक जना मृत फेला परेको प्रहरीले जनाएको छ ।
खसीबजार चोक नजिकै सडक छेउको कुलोमा लेखनाथ सुन्दरीबजार बस्ने ३८ बर्षीय निम राज पुनको शव फेला परेको जिल्ला प्रहरी कार्यालय कास्कीका प्रहरी प्रवक्ता डिएसपी राजकुमार केसीले जानकारी दिए । प्रहरीले घटनास्थलबाट शव र मोटरसाइकल निकालिसकेको छ ।
स्थानीयले उक्त स्थानमा महिलाको चप्पल समेत देखिएको बताएका छन् । मोटरसाइकलमा अरु सवार रहे नरहेको बारे प्रहरीले अनुसन्धान गरिरहेको छ ।
दु:खद खबर ।