काठमाण्डौ । नेपालमा थप ७२ जनामा कोरोना भाइरसका संक्रमण पुष्टि भएको छ ।
काठमाण्डौको टोखा र बुढानिलकण्ठका ३ जना सहित ७२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
सोमबार काठमाण्डौसहित धनुषामा ३, कपिलवस्तुमा ३, रौतहटमा २६, सप्तरीमा २, बर्दियामा १, बाँकेमा ४, बारामा २३ र दैलेखमा ७ जनामा कोरोना संक्रमण पुष्टि भएको स्वास्थ्य मन्त्रालयका सह-प्रवक्ता समिर कुमार अधिकारीले जानकारी दिए।
यो सँगै नेपालमा कोरोना संक्रमितको संख्या ६७५ पुगेको छ। नेपालमा भाइरसबाट संक्रमित भएका मध्ये ८७ जना निको भएर घर फर्किसकेका छन्।
