पोखरा । गण्डकी प्रदेशमा थप एकजना कोरोना संक्रमितको मृत्यु भएको छ ।
गोरखा अस्पतालमा उपचाररत गोरखा पालुङ्टार-७ का ४४ बर्षीय कोरोना संक्रमित पुरुषको मृत्यु भएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार अस्पतालमा भर्ना भएका उनको शनिबार बिहान ५ बजे मृत्यु भएको हो । यस सँगै गण्डकी प्रदेशमा कोरोनाबाट ज्यान गुमाउनेको संख्या ३ पुगेको छ ।
यस अघि पोखरा स्वास्थ्य विज्ञान प्रतिष्ठानको आइसोलेसनमा उपचाररत स्याङ्जाको वालिङ नगरपालिकाका ५८ वर्षीय व्यक्तिको गत जेठ २६ गते र अर्का स्याङजा सिरुवारीका ५५ बर्षीय पुरुषको असार १० गते राति मृत्यु भएको थियो ।