पोखरा । पोखरा महानगरका २ सहित गण्डकीमा थप ८ जनामा कोरोना भाइरस संक्रमण पुष्टि भएको छ ।
स्वास्थ्य निर्देशनालय गण्डकीले सोमबार बिहान पोखरा महानगर वडा नम्बर ५ का १ पुरुष तथा वडा २६ की १ महिला सहित गण्डकी प्रदेशका ४ जिल्लाका थप ८ जनामा कोरोना भाइरस संक्रमण देखिएको जनाएको हो ।
निर्देशनालयका अनुसार कास्कीका २ सहित तनहुँका २ पुरुष , स्याङ्जाका १ महिला, पर्वतका १ पुरुष तथा नवलपुरका १-१ महिला पुरुषमा कोरोना देखिएको हो ।
संक्रमितलाई आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकी प्रदेशमा कोरोना संक्रमितको संख्या १ हजार ६ सय २० पुगेको छ ।
यसैगरी गण्डकी प्रदेशमा कोरोनको संक्रमण मुक्त हुनेको संख्या १४७० पुगेको पनि निर्देशनालयले जनाएको छ ।
