पेरिस । विश्वभर महामारीका रुपमा फैलिएको कोरोनाभाइरसबाट हालसम्म २ करोड ४० लाखभन्दा बढी मानिस संक्रमित भएका भएका छन् ।
विश्व स्वास्थ्य संगठनका अनुसार कोरोना संक्रमणबाट विश्वभर ८ लाख २३ हजारभन्दा बढीको मृत्यु भइसकेको छ ।
पछिल्लो चौबीस घण्टामा २ लाख ४८ हजारभन्दा बढी मानिस कोरोनाबाट संक्रमित भएको पाइएको छ । कोरोना संक्रमणबाट सबैभन्दा बढी प्रभावित मुलुकहरुमा संयुक्तराज्य अमेरिका, ब्राजिल, भारत, रसिया लगायत रहेका छन् ।
कोरोनाभाइरस संक्रमणबाट सर्वाधिक असर परेका १५ मुलुक संयुक्तराज्य अमेरिका, ब्राजिल, मेक्सिको, भारत, बेलायत, इटाली, फ्रान्स, स्पेन, पेरु, इरान, कोलम्बिया, रसिया, दक्षिण अफ्रिका, चिली, बेल्जियम छन् ।
