पोखरा न्यूज । पोखराका १० जना सहित गण्डकी प्रदेशमा १५ जनामा कोरोना सक्रमण पुष्टि भएको छ । गण्डकी प्रदेश स्वास्थ्य निर्देशनालयका अनुसार कास्कीको पोखरा सहित ४ जिल्लाका थप १५ जनामा कोरोना पुष्टि भएको हो ।
निर्देशनालयका अनुसार जिल्ला प्रहरी कार्यालय कास्कीमा कार्यरत पोखरा ४ का ४५ र ४७ वर्षीय २ प्रहरीमा कोरोना पुष्टि भएको छ । त्यसैगरी नवलपुर राष्ट्रिय वाणिज्य वैंक गैंडाकोटा शाखामा कार्यरत पोखरा ६ की २६ वर्षीया महिला, स्वास्थ्य विज्ञान प्रतिष्ठान प्रयोगशालामा कार्यरत पोखरा १० का ४७ वर्षीय पुरुष, पोखरा १३ की ५४ वर्षीया महिला, पोखरा १४ का २७ र ४३ वर्षीय पुरुष, पोखरा १५ का २० वर्षीय पुरुष र ३५ वर्षीया महिला र पोखरा १६ का २५ वर्षीय पुरुषमा समेत कोरोना सक्रमण पुष्टि भएको निर्देशनालयले जनाएको छ ।
तनहुँ शुक्लागण्डकी २ का २५ वर्षीय पुरुष, तनहुँ भानु २ का २६ वर्षीय पुरुष र नेपाल प्रहरीमा कार्यरत मनाङ चामेका ३१ वर्षीय पुरुष, लमजुङको दुधपोखरी ६ का २५ वर्षीय पुरुष तथा राइनाशका ६ का ४० वर्षीय पुरुषमा समेत कोरोना पुष्टि भएको निर्देशनालयले जनाएको छ ।
यस सँगै गण्डकी प्रदेशमा ३ हजार ६ सय ६० जनामा कोरोना पुष्टि भएको छ ।