पोखरा न्युज । सोमवार दिउसो पोखरा महानगर पालिकाका ७ वटा वडाका १० सहित गण्डकी प्रदेशमा ११ जना कोरोना संक्रमित थपिएका छन ।
गण्डकी प्रदेश स्वास्थ्य निर्देशनालयका अनुसार पोखरा महानगरका ७ वटा वडामा १० जना र तनहुँको आँवुखैरेनीका १ जना गरी ११ जनामा कोरोना पुष्टि भएको हो । पोखराको वडा नं वडा नं ६ का १८ वर्षीया महिला, वडा नं ७ का १६ वर्षीय पुरुष र ७३ वर्षीया महिला, वडा नं ९ का ५३ वर्षीय महिला, वडा नं १० का १० वर्षीय वालक सहित ६८ वर्षीय पुरुष र ३३ वर्षीया महिला रहेका छन ।
त्यसै गरी पोखरा ११ का ४६ वर्षीय पुरुष, पोखरा १६ का ७२ वर्षीय पुरुष र पोखरा १७ का ५३ वर्षीय पुरुष रहेका छन भने तनहुँ आँवुखैरेनी वडा नं १ का २० वर्षीय पुरुषमा कोरोना पुष्टि भएको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमण हुनेको सँख्या ४ हजार २ सय १३ पुगेको छ ।
