पोखरा न्यूज । बागलुङमा मंगलबार दिउँसो मोटरसाइकल दुर्घटना हुँदा एक युवा घाइते भएका छन् ।
काठेखोला गाउँपालिका–६ सुलडाँडास्थित भित्री सडकखण्डमा तग्रामबाट बिहुँतर्फ जाँदै गरेको बा ८१ प २९४२ नं.को मोटरसाइकल सडकबाट १५ मिटर तल खसेर दुर्घटनाग्रस्त भएको हो ।
उक्त दुर्घटनामा मोटरसाइकल चालक काठेखोला गाउँपालिका-४ तग्राम निवासी ३५ वर्षीय भीम सुनार घाइते हुनुभएको गण्डकी प्रदेश प्रहरी कार्यालय पोखराले जनाएको छ । सुनारको धौलागिरि अस्पताल बाग्लुङमा उपचार भइरहेको पोखराले जनाएको छ ।