पाेखरा न्यूज । गण्डकी प्रदेशको मुख्यमन्त्रीमा पृथ्वीसुब्बा गुरुङले पुनः दाबी गर्नुभएकाे छ ।
जनता समाजवादी पार्टी (जसपा) र राष्ट्रिय जनमोर्चाले समर्थन गरेकाे पत्र प्रदेश प्रमूख समक्ष पेश गर्दै उहाँले मुख्यमन्त्रीमा दाबी गर्नुभएकाे छ ।
प्रदेशमा आफ्नो नेतृत्वमा नयाँ सरकार गठनको दाबीसहित नेपाली काँग्रेसका सांसद कृष्णचन्द्र नेपालीले हिजाे ३१ सांसदसहित प्रदेश प्रमुखको कार्यालयमा दावी पेश गर्नुभएकाे थियाे ।
काँग्रेसका १५, माओवादी केन्द्रका ११, राष्ट्रिय जनमोर्चाका २, जनता समाजवादी पार्टीका २ सांसद र स्वतन्त्र सांसद दीपक मनाङेसहितको समर्थनमा मुख्यमन्त्रीको लागि दावी पेश गर्न काँग्रेस संसदीय दलका नेता नेपाली प्रदेशप्रमुख समक्ष जानुभएको हो ।
प्रदेशमा सरकार गठनका लागि प्रदेश प्रमूखले आज ३ बजेसम्मकाे समय दिनुभएकाे थियाे ।
