पाेखरा न्यूज । शुक्रबार बिहान तनहुँमा खोलाले बगाएको बलेरोजिपबाट ६ जनालाई प्रहरीले सकुशल उद्दार गरेको छ ।
तनहुँको भिमाद नगरपालिका ६ मालेबगर स्थित बुढा खोलाको बाढीले घिरिङबाट भिमादतर्फ आउदै गरेको ग १ च ५१९० नंको बलेरोजीप खोला तर्ने क्रममा बिहान अन्दाजी ७ बजेकाे समयमा बगाएको थियो ।
इलाका प्रहरी कार्यालय भिमाद तनहुँबाट प्रहरी नायव निरिक्षक सुरज सदा शंकरको कमाण्डमा खटिएको ७ जनाको टोलीले जीपमा सवार १ जना महिला, ४ जना पुरुष र १ जना बालकसहित ६ जनाको सकुशल गरेको हो । प्रहरीका अनुसार घटनामा कुनै मानवीय क्षति भएका छैन ।
उक्त जीप घट्नास्थलमानै रहेको प्रहरीले जनाएको छ ।
