पाेखरा न्यूज । पछिल्लो २४ घण्टामा कास्की जिल्लामा थप ३९ जनामा कोरोना संक्रमण पुष्टि भएको छ । कास्कीमा १६ जना पुरुष तथा २३ जना महिला गरी ३९ जनामा कोरोना भाइरस पुष्टि भएकाे प्रदेश स्वास्थ्य निर्देशनालय पाेखराले जनाएको छ ।
पछिल्लो २४ घण्टामा ९०४ जनाको नमुना परीक्षण गरिएकोमा गण्डकी प्रदेशमा थप ९२ जनामा कोरोना पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।
कास्कीका ३९ सहित म्याग्दीका ७ जना, पर्वतका ५ जना, लमजुङका १७ जना, तनहुँका ५ जना, बाग्लुङका १० जना, स्याङ्जाका ९ जना गरी प्रदेशका ७ जिल्लामा ४५ पुरुष तथा ४७ जना महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ८२ हजार ४२९ पुगेको छ। पछिल्लो २४ घण्टामा ३२८ जना निको भएसँगै प्रदेशमा संक्रमणमुक्त हुनेको संख्या ७८ हजार ७०७ पुगेको छ ।
गण्डकीमा हालसम्म कोरोना संक्रमणका कारण प्रदेशभर ज्यान गुमाउनेको संख्या १ हजार ३१२ पुगेको छ।