पाेखरा न्यूज । उत्तर कोरियाले दक्षिण कोरियासँग वार्ता गर्न तयार रहेको जनाएको छ । कोरियाली प्रायद्धीपमा जारी द्वन्द्व अन्त्य गर्न दक्षिण कोरियाले यसै साता गरेको आह्वानको जबाफमा किमकी बहिनी किम यो जोङले दक्षिण कोरियासँग वार्ता गर्न तयार रहेको बताउनु भएकाे हाे ।
कोरियाली प्रायद्धीपको युद्ध अन्त्य गर्ने विषयमा दुई देशले सन् १९५३ मा सहमति जनाए पनि प्राविधिक रुपमा दुबै देश द्वन्द्वकै अवस्थामा छन् । यसै साता दक्षिण कोरियाली राष्ट्रपति मुन जाय–इनले कोरियाली प्रायद्धीपमा जारी युद्ध अन्त्यका लागि उत्तर कोरिया, अमेरिका र चीनलाई आह्वान गर्नुभएकाे थियाे ।
सुरुमा उत्तर कोरियाका वरिष्ठ मन्त्रीले सो आह्वान अस्वीकार गर्नुभएकाे थियाे। तर, शुक्रबार एक विज्ञप्ति जारी गर्दै प्योङयाङ वार्ताका लागि आफू तयार रहेको जनाएको हो । आफूहरुबिरुद्ध शत्रुतापूर्ण व्यवहार रोके उत्तर वार्ताका लागि तयार रहेको उत्तरले जनाएको छ ।
