पाेखरा न्यूज । गण्डकी प्रदेशका शिक्षा मन्त्री मेखलाल श्रेष्ठका पिता पुननारायण श्रेष्ठको निधन भएकाे छ ।
नेपाली कांग्रेस गण्डकी प्रदेश कार्यसमितिका उपसभापतिसमेत रहनुभएका मन्त्री मेखलालका पिता पुननारायणको मंगलबार आफ्नै निवास काठमाडौंमा ९५ वर्षको उमेरमा निधन भएको थियो । उहाँको निधनप्रति कांग्रेसले दुःख व्यक्त गरेको छ।
कांग्रेसका सभापति शेरबहादुर देउवाले उहाँको निधनप्रति गहिरो दुःख व्यक्त गर्नुभएको कांग्रेस सचिव प्रेम केसीले जारी गरेको शोक वक्तव्यमा उल्लेख छ ।
सभापति देउवाले मृतआत्माको चीर शान्तिको कामना गर्दै शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गर्नुभएकाे छ ।