आइतबार दिउँसो १ बजेका लागि बोलाइएको प्रतिनिधिसभाको बैठक दोस्रो पटक पनि सरेर भोलि सोमबार दिउँसो ३ बजे हुने भएको छ ।
यसअघि प्रधानमन्त्री पुष्पकमल दाहाल प्रचण्डको आग्रहमा सभामुख देवराज घिमिरेले आइतबार दिउँसो १ बजेका लागि बोलाइएको संसद बैठक दुई घण्टा पछि सारेको सभामुखका प्रेस सल्लाहकार शेखर अधिकारीले जानकारी दिएका थिए । तर पछि सूचना टाँसेर आइतबारको बैठक स्थगित गरिएको हो ।
प्रधानमन्त्री पुष्पकमल दाहालले दिएको अभिव्यक्तिको विरोधमा प्रमुख प्रतिपक्षी नेकपा एमाले संसदको बैठक अवरुद्ध गर्दै आएको छ ।