पोखरा, ०७ साउन । पोखराको पृथ्वीचोकदेखि चाइनापुलसम्मको क्षेत्रमा आजबाट पार्किङ निषेध गरिएको छ ।
जिल्ला सुरक्षा समितिको निर्णयका आधारमा आइतबारबाट उक्त क्षेत्रको सडकको दुवै तर्फ सवारीसाधन पार्किङ गर्न रोक लगाइएको हो ।
सुरक्षा समितिको निर्णयलाई पूर्ण रुपमा लागू हुने भन्दै पोखरा महानगरपालिकाले सूचना समेत जारी गरेको छ ।
‘पृथ्वीचोकदेखि चाइनापुलसम्म सडकको दायाँबायाँ कुनै पनि प्रयोजनका लागि सवारीसाधन पार्किङ गर्ने कार्य मिति २०८० साउन ७ गते आइतबारदेखि पूर्ण रुपमा निषेध गरिएको व्यहोरा सम्बन्धित सबैको जानकारीका लागि सुचित गरिन्छ,’ महानगरले जारी गरेको सुचनामा भनिएको छ ।
सुरक्षा समितिको निर्णयलाई पोखरा महानगरपालिकाले व्यवस्थापन गर्ने जनाउदै महानगरले अवज्ञा गर्नेलाई कारवाही गर्ने चेतावनी समेत दिएको छ ।
