पोखरा । पोखरामा १७औं बिटीकप खुला सेभेन ए साइड फुटबल प्रतियोगिता आजदेखि सुरु हुँदैछ ।
बुद्धटोल युवा (बिटी) क्लबको आयोजनामा पोखराको पुरानो टुँडिखेल मैदानमा खेल सञ्चालन हुनेछ ।
क्लबका अध्यक्ष अशिम थापाले फुटबलको विकास गर्ने उद्देश्यसहित प्रतियोगिता आयोजना गर्दै आएको जानकारी दिए ।
पोखरामा निरन्तर हुने सेभेन ए साइड फुटबल प्रतियोगिताको सूचीमा बिटीकप पनि पर्दछ ।
प्रतियोगिताले फुटलबको विकासमा थप सघाउ पुग्ने अध्यक्ष थापाको विश्वास छ ।
प्रतियोगिता विजेताले १ लाख ७१ हजार १ सय ११, उपविजेताले १ लाख ५ हजार ५ सय ५५ रुपैयाँ नगद पुरस्कार प्राप्त गर्ने आयोजकले जनाएको छ ।
प्रतियोगितामा करिब ५० टिमको सहभागिता रहने आयोजकको अपेक्षा छ ।