काठमाडौं । शेयर बजारमा मंगलबार पनि सामान्य अंकको सुधार आएको छ ।
उतार चढावका बीच ९ अंकले बजार उकालो लाग्दा बजारपरिसूचक नेप्सेले २ हजारको बिन्दु पार गरेको छ ।
१३ वटा उपसमुहरु मध्ये आधा हरियो आधा रातो रहँदा कारोबार रकम भने २अर्ब तलै रह्यो ।
बैंक, जलविद्युत, उत्पादन, लघुवित्त, निर्जीबन बीमा र व्यापार समूह सामान्य अंकले बढ्दा वित्त, होटल तथा पर्यटन, लगानी, जीवन बीमा र अन्य समूह ओरालो लागेका छन् ।
मंगलबार बोटलर्स नेपाल बालाजु र बिपिडब्लु लघुवित्तको शेयर मूल्यमा सकारात्मक लेवलमा कारोबार भएको छ ।
कारोबार रकमको आधारमा सोनापुर मिन्नरल्सको सर्वाधिक १४ करोड १९ लाख रुपैयाँ बराबरको शेयर खरिद बिक्री भएको छ ।
१ सय ४३ वटा कम्पनीको शेयर मूल्य बढ्दा ८८ वटा कम्पनीको घटेको छ भने ३ सय ८ कम्पनीको ५२ लाख कित्ता शेयर १ अर्ब ८६ करोड बराबरमा किनबेच भएको छ ।
