पोखरा । पोखरामा दोस्रो होली म्युजिक फेष्टिभल हुने भएको छ । फेष्टिभल यही चैत ११ गते लेकसाइड हलनचोकस्थित क्याम्पिङचौरमा हुनेछ ।
सो अवसरमा नेपथ्य व्यान्डका पूर्व भोकलिष्ट गौतम गुरुङसहित आधा दर्जन चर्चित कलाकारले प्रस्तुति दिनेछन् ।
कार्यक्रममा देउराली व्यान्डका आनन्द बज्राचार्य, विनोद बानिया, पखेरी व्यान्डका इन्द्र गुरुङ, उषा गुरुङ, मिलन गुरुङ, प्रिया गुरुङ, ब्रोसिस व्यान्डका प्रकाश राना र रोहनजंग कार्कीले प्रस्तुति दिनेछन् ।
अन्त्यमा डिजे भिटिजे विजयको डिजेइङसहित समापन हुने कार्यक्रम संयोजक तथा संघका सचिव भाष्करध्वज श्रेष्ठले बताए ।
कलाकार कोष अभिवृद्धि तथा कलाकार उपचार अक्षयकोष स्थापनाका लागि फेष्टिभल आयोजना गरिएको पोखरा सांगीतिक कलाकार संघका अध्यक्ष हर्कराज गुरुङ (भाइ) ले जानकारी दिए । फेष्टिभलमा निःशुल्क प्रवेश पाइनेछ ।
