बुहारीमाथि जबरजस्ती करणी गर्ने ससुरा पक्राउ

गोरखा । बुहारीलाई जबरजस्ती बलात्कार गरेको अभियोगमा एक जनालाई गोरखा प्रहरीले पक्राउ गरेको छ ।

पक्राउ पर्नेमा गोरखाको सिरानचोक गाउँपालिका वडा नं ८ का ४९ वर्षीय दकुमार (हाडनाता करणीमा पर्ने भएकाले नाम थर गोप्य) रहेका छन् ।

उनीमाथि गत भदौ १० गते बिहान घरमा कोही नभएको समयमा डर धम्की देखाएर ३७ वर्षकी बुहारीलाई बलात्कार गरेको अभियोग छ ।

पीडित बुहारीले प्रहरीमा उजुरी दिएपछि उनलाई यही वैशाख १० गते आरोपीलाई पक्राउ गरी जबरजस्ती करणी कसूर शीर्षकमा बुधबार अदालतबाट म्याद लिएर अनुसन्धान प्रक्रिया अघि बढाइएको प्रहरीले जनाएको छ ।