|????????????????????????????????????
पोखरा २८ वैशाख-
बिनासकारी भुकम्प गएको एक वर्ष वितीसक्यो । गोरखाको बारपाकलाई केन्द्रबिन्दु बनाएर गएको भुकम्पले धेरैको घरबास उठ्यो । कतिले ज्यान गुमाएभने कति अहिले घाइते अवस्थामा छन । सरकारले घरबार गुमेकाहरुलाई पुनर्वासको लागी केही रकमहरु प्रदान गरेको भएतापनि हाल सम्म कुनैपनि कामहरु अगाडी वढ्न सकेको छैन ।
भुकम्पमा घरबास उजाड हुनेहरु त एक वर्ष विभिन्न संघ सस्थाले प्रदान गरेको त्रिपालको भरमा गुजारा चलाइरहेका छन र अझैपनि सरकारको आसमा बसिरहेका छन । भुकम्पमा परि मृत्यु हुनेका परिवारले भने अझै विभिन्न पिडाहरु ब्यहोरिरहनु परेको छ । विशेषगरी भुकम्पमा अभिभावक गुमाएका साना नानीबावुहरुको अवस्था अझै दयनिय बन्दै गइरहेको छ ।भविष्यका कर्णधार मानिने ती साना नानीबावुहरुको भविश्य भुकम्पले झनै अन्यौलमा पु¥याएको छ । त्यस्ता बालवालिकाहरुलाई नेपाल सरकारले कुनै चासो देखाएको छैन । यसैलाई मध्येनजर गरेर हाल हङकङमा रहेका मगरहरुको संस्था नेपाल मगर संघ हङकङले यस्ता बालवालिकाको तथ्यांक संकलन गरिरहेको छ । भुकम्प प्रभावित जिल्लाहरु गोरखा, धादिङ, नुवाकोट , रसुवा, सिन्धुपाल्चोक लगायतका क्षेत्रका भुकम्प प्रभावित विशेषगरी मगर समुदायका बालवालिकाहरुको शिक्षा दिक्षाको लागी नेपाल मगर संघ हङकङका अध्यक्ष चन्द्रज्योती मगरले तथ्याङक संकलन गरिरहेकी छिन । यो अभियानमा मिस मगर हङकङ २०१३ र २०१४ का नानीहरुले साथ दिएकी छिन ।
मगर संघ हङकङले गत वर्ष भुकम्पको वेलामा राहत वितरणको क्रममा नेपालको बिभिन्न भुकम्प प्रभावित क्षेत्रहरुमा पुगेको वेलामा मगर संघ संगै आएको मिस मगर हङकङ २०१४ पुजा राना मगरले नेपालको बालबालिकाहरु वढी प्रभावित देखेपछि वालबालिकाका लागी केही गर्नुपर्छ भनेर यो अभियान सञ्चालन गर्ने सोच राखेर यतिवेला त्यस्ता बालवालिका जो भुकम्पमा आफ्ना अभिभावक गुमाए तीनको तथ्याङक संकलन भइरहेको मगर संघ हङकङकी अध्यक्ष चन्द्रज्योती आले मगरले वताइन । मगरका अनुसार हङकङमा विभिन्न कार्यक्रमहरु गरी संकलन गरिएको रकम ती बालवालिकालाई १० कक्षा सम्म अध्ययनका लागी खर्च गरिने भएको छ । यो अभियानमा रहेकी मिस मगर हङकङ २०१३ अन्जना पुन मगरले आफुहरु सात समुन्द्र पारि रहेतापनि आफ्नो मातृभुमि नेपालमा भुकम्पमा अभिभावक गुमाएका वालवच्चाहरुका लागी अभियान चलाउन पाउदा निकै खुसी लागेको वताउदै त्यस्ता बालवालिकाका लागी कक्षा १० सम्म निशुल्क अध्ययनमा सहयोग गर्ने वताइन ।
त्यसोत मिस मगर हङकङ २०१४ पुजा राना मगरले भुकम्पको राहत वितरणका लागी अघिल्लो वर्ष नेपाल आउदा भुकम्पबाट आफ्ना अभिभावक गुमाएका बालवालिकाहरु निकै नै अन्यौलमा परेको आफुले महसुस गरेपछि हङकङ फर्केर त्यस्ता बालवालिकाको शिक्षाका लागी विभिन्न कार्यक्रमहरुको आयोजना गरी केही आर्थिक संकलन भएको र त्यसलाई कसरी खर्च गर्ने भनेर अहिले नेपालको विभिन्न ठाउहरुमा त्यस्ता बालवालिकाको तथ्याङक संकलन जारी भइरहेको वताइन ।बिनासकारी भुकम्प गएको एक वर्ष वितिसक्दापनि नेपाल सरकारले भुकम्प पिडितहरुलाई पुनर्वासको योजना अगाडी वढाउन नसक्दा यसरी सात समुन्द्र पारी रहेर पनि सहयोग गरिरहेको छ ।
भविश्यका कर्णधार यस्ता बालवालिकाका लागी सात समुन्द्र पारि रहेर पनि सहयोगलाई निरन्तरता दिइरहेका यस्ता अभियनताहरुलाई हातमा हात साथमा साथ दिन सकेको खण्डमा ती बालवालिकाको भविश्य उज्जवल हुने थियो ।
फाउण्डर/सम्पादक
गणेश बरालसम्पादक
शिव अधिकारीसुचना विभाग दर्ता नं.
128236/20719845721717
pokharanews@gmail.comAddress:
Pokhara-8, Kaski2005 - 2025 pokharanews.com
Designed by: Goji Solution