पोखरा न्यूज । स्याङ्जा जिल्ला वालिङ नगरपालिका–१४ तमादीको पहिरोमा परेर बेपत्ता भएका मध्ये ५ जनाको शव फेला परेको छ भने एक जनालाई घाइते अवस्थामा उद्धार गरिएको छ ।
पहिरोमा परी वेपत्ता भएका मध्ये २७ वर्षीया उमाकला नेपाली, ४८ वर्षीया माया नेपाली, ३० वर्षीय दीपक नेपाल, ६० वर्षीया सानी नेपाली र ९ वर्षीय बिवश नेपालीको शव स्थानीयको सहयोगमा पहिरोबाट निकालिएको गण्डकी प्रदेश प्रहरी कार्यालय पोखराले जनाएको छ ।
माया नेपालीको घर माथिबाट विहीबार बिहान ६ बजे खसेको पहिरोमा परी बेपत्ता भएका १० जना मध्ये ५ जनाको शव फेला परेको छ भने ४ जना अझै बेपत्ता रहेको प्रहरीले जनाएको छ । उनीहरुको खोजीकार्य भइरहेको प्रहरीले बताएको छ ।
पहिरोबाट १६ वर्षीया मनिषा नेपालीलाई घाइते अवस्थामा उद्धार गरिएको छ । गम्भीर घाइते मनिषालाई उपचारको लागि पोखरा ल्एयाइएको छ ।
