फुटबलर पेमा र बिनासहित आठजना राखेप बोर्ड सदस्यमा नियुक्त

पाेखरा न्यूज । फुटबलर पेमा लामा डोल्मा र बिना श्रेष्ठसहित आठजनालाई  युवा तथा खेलकुद मन्त्रालयले राष्ट्रिय खेलकुद परिषद् (राखेप) को बार्ड सदस्यमा नियुक्त गरेको छ ।

बिहीबार बिहान खेलकुदमन्त्री  महेश्वर गहतराजले पेमा र बिनासहित आठ  बोर्ड सदस्यलाई नियुक्त गर्नुभएकाे हाे । मन्त्रालयमा भएको एक कार्यक्रममा उहाँहरूले पद तथा गोपनीयताको सपथ खानुभएकाे छ। बोर्ड सदस्यमा नियुक्त हुनेमा पेमा डोल्मा लामा, बिना श्रेष्ठ, मोहमद फाजिल, जनकप्रसाद बर्तौला, दिपेन्द्र विष्ट, प्रकाशकुमार कुसारी, अन्जन धमला र श्रीमान थापा मगर हुनुहुन्छ ।

पेमा पूर्वफुटबलर हुनुहुन्छ । हाल उहाँ अखिल नेपाल फुटबल संघ (एन्फा) को कार्यसमिति सदस्य र महिला समितिको संयोजक हुनुहुन्छ । यस्तै बिना भने फिफा रेफ्री हुनुहुन्छ । यसअघि खेलकुद मन्त्रालय मन्त्रालयले राखेपमा नाै जना बोर्ड सदस्यलाई पदमुक्त गरेको थियो । रिक्त पदमा मन्त्रालयले नयाँ सदस्य नियुक्त गरेको हो ।

यसअघि सरकारले राखेपका सदस्य सचिव रमेशकुमार सिलवाललाई बर्खास्त गरेको थियो । एन्फाले नयाँ सदस्य सचिवका लागि खेलकुद ऐनअनुसार दस्ताखर आह्वान गरेको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button