काठमाण्डौ, ०५ फागुन । सुपरमाई हाइड्रो आयोजनाको साधारण सेयर बाँडफाँड सम्पन्न भएको छ ।
बिक्री प्रबन्धक सानिमा क्यापिटलको कार्यालयमा आज बिहान १० बजे एक कार्यक्रमबीच आइपिओ बाँडफाँड कार्यक्रम गरेको हो ।
कम्पनीले प्रतिकित्ता १०० रुपैयाँ अंकित ४ लाख १५ हजार कित्ता सेयर माघ २३ देखि २६ गतेसम्मका लागि बिक्री खुला गरेको थियो ।
आइपिओमा करिब ३४ गुणा अर्थात १ करोड ४३ लाख २७ हजारभन्दा धेरै कित्ताको माग आवेदन परेको थियो ।
१३ लाख भन्दा बढीले माग गरेपनि कूल आवेदकमध्ये ४ हजार भन्दा बढीको आवेदन अस्वीकृत भएको थियो ।
बाँडफाँडबाट भाग्यमानी ४१ हजार ५ सय जना आवेदकले १० कित्ताका दरले सेयर प्राप्त गरेका छन् ।
आइपिओको नतिजा भने केही समयपछि सिडिएससीको वेबसाईटमा हेर्न सकिनेछ ।
