टस हारेर बलिङ गर्दै नेपाल

युएईमा जारी विश्वकप डिभिजन-२ अन्तर्गतको त्रिकोणात्मक सिरिजमा नेपालले पपुवा न्युगिनीविरुद्ध टस हारेर बलिङ गर्ने भएको छ ।

दुबई अन्तर्राष्ट्रिय क्रिकेट मैदान हुन लागेको खेलमा नेपाललाई जित्नै पर्ने बाध्यता रहेको छ । आजको मात्र नभई अब बाकिँ सबै ६ खेल जित्नुपर्नेछ । बाकिँ शतप्रतिशत खेल जितेमा ७ देश सहभागी डिभिजन २ मा तेस्रो स्थान हासिल गर्दै नेपाल विश्वकप छनोट खेल्न पाउनेछ ।

नेपाल अङ्क तालिकामा ३० खेलबाट २८ अङ्क बटुल्दै छैटौं स्थानमा छ भने पिएनजीको ३० खेलबाट ७ अङ्क मात्रै छ । प्रतियोगिताको शीर्ष दुई स्थानमा रहँदै स्कटल्याण्ड र ओमान छनोट भइसकेका छन् ।