पोखरा । पोखरा महानगरपालिका वडा नं. ११ स्थित काहुँडाँडामा भीषण आगलागी भएको छ ।
वडाध्यक्ष प्रेम कर्माचार्यका अनुसार मणिपाल शिक्षण अस्पतालदेखि केही माथिको जंगलमा आगलागी भएको हो ।
आगो नियन्त्रणका लागि दमकल पुगेको भएपनि बाटोका कारणले समस्या भएको वडाध्यक्ष कर्माचार्यले जानकारी दिए ।
आज राति ८ः३० बजेदेखि आगलागी सुरु भएको उनले बताए । ‘केही दिनदेखि पटक-पटक आगलागी भइहेको थियो । तर त्यो सानो थियो । तर आज भीषण भयो’, उनले भने ।
नेपाली सेना र प्रहरीको टोली त्यस स्थानमा पुगेको छ । उनले आगो निकै भीषण भएकाले नियन्त्रण लिन कठिन छ ।
