बहराइन । फिफा विश्वकप २०२६ र एएफसी एसियन कप २०२७ को संयुक्त छनोटअन्तर्गत दोस्रो चरणको खेलमा नेपाल पराजित भएको छ । नेपाल बहराइनसँग ५-० ले पराजित भएको छ ।
रिफास्थित नेसनल स्टेडियममा गएराति सम्पन्न खेलको पहिलो हाफमा तीन र दोस्रो हाफमा दुई गोल गर्दै बहराईनले नेपाललाई हराएको हो ।
बहराइनले खेलको दुई मिनेटमै पहिलो, नवौं मिनेटमा दोस्रो र पहिलो हाफको इन्जुरी समयमा तेस्रो गोल गरेको थियो ।
यस्तै दोस्रो हाफपछि खेलको ८७औं मिनेटमा चौथो र इन्जुरी समयमा पाचौं गोल गरेको थियो ।
समूह एचमा दोस्रो जितपछि बहराइनको तीन खेलबाट ६ अंक भएको छ । नेपाल लगातार तीन हारबाट अंकविहीन हुँदै अन्तिम स्थानमा रहेको छ ।
