राष्ट्रिय कबड्डी प्रतियोगिता नवलपरासीमा आजदेखि

पोखरा । मुख्यमन्त्री अन्तर प्रदेशस्तरीय राष्ट्रिय कबड्डी प्रतियोगिता आजदेखि नवलपरासीमा सुरु हुँदैछ । प्रतियोगितामा गण्डकी प्रदेशबाट पनि सहभागिता रहनेछ ।

गण्डकीबाट १२ खेलाडी र दुई अफिसियलसहित १४ सदस्यीय टोली त्यसतर्फ प्रस्थान गरेको छ ।

खेलाडीहरूमा हीराप्रसाद गौचन (कप्तान), विशाल थापा, जवन बोलन, डिलबहादुर थापा, सुजन पुन, अस्मिर राना, उचित रिमाल, भोला विन, तुलबहादुर थापा, टेकबहादुर राना, सुभम शाक्य र विष्णु केवत रहेका छन् ।

टिम प्रशिक्षकमा सन्दीप पन्त र व्यवस्थापकमा विक्रम थापा छन् ।

खेलाडीहरू प्रस्थान गर्नुअघि प्रदेश खेलकुद परिषद् गण्डकीका सदस्य केशव पाठक, परिषद्का कार्यालय प्रमुख तोपलाल भुसाल, गण्डकी प्रदेश कबड्डी संघका सचिव हरि जिसीलगायतले जितको शुभकामनासहित बिदाइ गरेका थिए ।