आज ह्वात्तै बढ्यो सुनचाँदीको भाउ, कतिमा हुँदैछ कारोबार ?

पोखरा । नेपाली बजारमा आज मंगलबार एकै दिन सुनको मूल्य तोलामा दुई हजार एक सय रुपैयाँ बढेको छ ।

मूल्य बढेसँगै आज सुन प्रतितोला एक लाख ५२ हजार दुई सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

महासंघका अनुसार सोमबार सुन तोला एक लाख ५० हजार एक सय रुपैयाँमा कारोबा भएको थियो ।

यस्तै आज चाँदीको मूल्य पनि बढेको छ । सोमबार स्थिर रहेको चाँदीको मूल्य आज ६० रुपैयाँ बढेर तोलामा एक हजार नौ सय २५ रुपैयाँमा कारोबार भएको महासंघले जनाएको छ ।