विनोद बानियाको ‘मान्छे’ गीतको भिडियो रिलिज हुँदै

पोखरा। ‘माया देखायौ कति सजिलै’ बोलको गीत रेकर्ड गरी औपचारीकरुपमा साँगीतिक यात्रा प्रारम्भ गरेका गायक विनोद बानियाको पहिलो एलबम थियो ‘मान्छे’ । २०५८ सालमा रिलिज भएको ‘मान्छे’ एलबममा समावेश गरिएका केहि गीतलाई रिमेक गरेर तेस्रो एल्बम ‘प्रोफाइल’ मा उनले समावेश गरे ।

यसरी समावेश गरिएका गीतको भिडियो निर्माण गरी दर्शकमाझ पस्कने प्रयास उनले गरिरहेका छन् । यस अगाडि गीत ‘म त बलेनीमा’ गीतको भिडियो रिलिज गरेका उनले यसपाली ‘मान्छेको जुनी अचम्मै हुने रैछ नी’ गीतको भिडियो रिलिज गर्ने तयारीमा छन् । भिडियोलाई बैशाख २३ गते आफ्नो वैवाहिक वर्षगाठको अवसर पारी आफ्नै युट्युब च्यानल मार्फत रिलिज गर्ने तयारी उनको छ ।

भिडियो उत्कृष्ट बनेको विनोदले बताए । ‘भिडियो राम्रो बनेको छ, आशा छ दर्शकको साथ पक्कै मिल्नेछ’ उनले भने ।
युवा निर्देशक विभोर पोखरेलको निर्देशनमा तयार भएको भिडियोमा प्रकाश घिमिरे, एनजे सागर शाह र अनिता पौडेलको अभिनय हेर्न पाइनेछ । सन्तोष कोन्मेले खिचेको भिडियोको सम्पादन सुप्रिम पराजुलीले गरेका हुन् । विनोद वानियाको आवाजमा रहेको गीतमा संगीत विवि अनुरागीको हो भने रचना राजकुमार बगरले गरेका छन् । गीत तेजेन्द्र गुरुङको एरेन्जमा तयार भएको हो ।

भिडियोलाई उत्कृष्ट बनाउन आफुले मेहनत गरेको निर्देशक पोखरेल बताउँछन् । ‘भिडियो राम्रो बनेको छ, गीतलाई न्याय गर्न सकेकी सकिन त्यसको मुल्याकंन दर्शकले गर्नुहुनेछ’ उनले भने । यथार्थ चरित्रलाई अभिनयको माध्यमबाट जिवन्तता दिँदै पर्दामा देखाउन खप्पिस कलाकार प्रकाश घिमिरेसँग काम गर्न पाएको भन्दै निर्देशक पोखरेल झनै उत्साहित छन् ।

यता कलाकार प्रकाश घिमिरेले म्युजिक भिडियोमा मुख्य कलकारको रुपमा पहिलोपटक अवसर पाएको बताउँछन् । ‘म्युजिक भिडियोमा पहिलो पटक मुख्य कलाकारको रुपमा मलाई हेर्न सक्नु हुनेछ, रमाइलो अनुभव रह्यो, भिडियो हेरपछि प्रतिक्रियाको आशामा छु’ घिमिरेले भने । संगीतकर्मी समेत रहेका सागर शाहले अर्थपुर्ण गीतमा अभिनय गरेर सहभागिता जनाउन पाएकोमा खुशी व्यक्त गर्दै दर्शकको साथ भिडियोले पाउनेमा आशा गर्छन् ।

विनोदको दोस्रो एलबम ‘डाउट’ हो । जुन २०६३ मा बजारमा आएको थियो । उनले झण्डै ५० को हाराहारीका गीतमा आफ्नो सुमधुर आवाज भरीसकेका छन् । यतिनै गीतमा संगीत सँयोजन गरेका बानियाले केही गीत रचना गर्न समेत भ्याएका छन् । उनी २०५७ सालमा भएको राष्ट्रव्यापी आधुनीक गीत प्रतीयोगीतामा द्घितीय तथा क्षेत्रीय स्तरको प्रतीयोगितामा प्रथम हुन सफल कलाकार समेत हुन् ।

सम्बन्धित न्यूज

Leave a Reply

Your email address will not be published. Required fields are marked *

Back to top button